NATURE STATE

  പ്രകൃതി ഭാവം 

പ്രകൃതി ഭാവം  മാതൃഭാവമാണ്, മറ്റൊരു രീതിയിൽ പറഞ്ഞാൽ മാതൃ പ്രകൃതി. ഈ പ്രപഞ്ചം താങ്കളെ പോറ്റി പുലർത്തുന്ന വിശ്വമാതാവാണ്.പ്രപഞ്ച മാതാവുമായി താങ്കൾ കൃതജ്ഞതാപുരസ്സരം സംസർഗ്ഗത്തിലാകുന്നത് അതി ശ്രേഷ്ഠകര മായ അനുഭവമാണ്. വ്യവസ്തയില്ലാതെ നൽകുന്ന പ്രപഞ്ചമാതാവുമായി താങ്കൾ സംസർഗത്തിലും സംസാര ത്തിലാകുബോൾ എല്ലാവർക്കും എല്ലാറ്റിനും എല്ലായിട ത്തും, എല്ലായിപ്പോഴും നന്ദി യെന്നേ പറയാനാകൂ. എല്ലാവർക്കും വ്യവസ്ഥ കൂടാതെ നൽകാൻ, അതും ആഗ്രഹിക്കു ന്നതു തന്നെ നൽകാൻ, നൽകുബോൾ നിറവായി നൽകാൻ താൽപര്യപ്പെടുന്നതാണ് മാതൃ പ്രകൃതി. ഈ മാതൃ പ്രകൃതി സർവ്വവിധ സൃഷ്ടിപ്പുകളിലും നേട്ടങ്ങളിലും വിജയ ത്തിനാവശ്യമാണെന്ന് സൂഷ്മമായി പരിശോധിച്ചാൽ കാണാവുന്നതാണ്.

ഒരു കുഞ്ഞിനെപ്പോലെ സ്വന്തം ആരോഗ്യത്തെ ,കുടുഃബത്തെ, ബസിനസ്സിനെ പ്രസ്ഥാനത്തെ, സ്വപ്നത്തെ എന്നുവേണ്ട എന്തിനേയും മാതൃഭാവത്തോടെ താങ്കൾ കാണണം, അപ്പോഴാണ് താങ്കൾക്ക് ഉയർച്ചയുണ്ടാവുക. ഒരു കുഞ്ഞ് എന്ന് പറയുന്നത് മാതൃ പിതൃഭാവങ്ങളുടെ സമന്വയമാണ്. എന്നാൽ ജന്മം നൽകുക, സംരക്ഷിക്കുക, പോഷിപ്പി ക്കുക, പരിപാലിക്കുക എന്നിവ മാതൃ പ്രകൃതിയിൽ മാത്രമുള്ള സ്വാഭാവിക പ്രവ ണതാണ് പ്രേരണയാണ്. വിഹിതമായോ അവിഹി തമായോ ഒരു സ്ത്രീ ഗർഭം ധരിച്ചുകഴിഞ്ഞാൽ പിന്നെ ആ ശരീരം ഭ്രൂണത്തിൻറ നിലനിൽപ്പിനും വളർച്ചക്കുമാണ് പ്രധമസ്ഥാനം കൊടുക്കുന്നത്. ഈ സംവിധാന ത്തിൻറ ഭാവമാണ് മാതൃത്വമെന്നു പറയുന്നത്.ഒരു സ്വപ്നം സാക്ഷാത്കരിക്കാൻ താങ്കൾ മാതൃഭാവത്തോടെ മുന്നോട്ടു വരുബോൾ താങ്കൾ  പെറ്റമ്മയുമായ് പിന്നിട്ട കാലങ്ങൾ സ്മരിക്കുന്നത് നല്ലതാണ്. അമ്മയിൽ നിന്ന് താങ്കൾ ജീവാമൃതു സ്വീകരിച്ചപ്പോഴും അമ്മക്ക് കൊടുത്തത് സങ്കടവും കരച്ചിലും മാത്രമാണ്. ഈ സ്വപ്നം വേണ്ടായിരുന്നു എന്ന് ചിന്തിക്കുമാറ്  താങ്കൾക്ക് സങ്കടവും കരച്ചിലും താങ്കളുടെ  അരുമസന്താനമായ സ്വപ്നം തന്നേക്കാം അമ്മയോട് പരിഭവവും പരാതിയും പറഞ്ഞ് താങ്കൾ വളർന്നതു പോലെയാകാം സ്വപ്നം താങ്കളോട് പരിഭവവും പരാതിയും പറഞ്ഞാണ് വളരുക. താങ്കൾ വല്ലപ്പോഴം പൊഴിക്കുന്ന മൃദു മന്ദഹാസത്തിലും പുഞ്ചിരിയിലും അമ്മ നിർവൃതിയണഞ്ഞതുപോലെ  സ്വപ്നവും താങ്കളെ ആനന്ദ നിർവൃതിൽ ആറാടിക്കുന്ന അസുലഭ നിമിഷങ്ങൾ എത്തിച്ചേരും. താങ്കൾക്ക് അന്ന് സ്വന്തമെന്ന് അറിയാവുന്ന ഏക സമ്പത്ത് അമ്മ മാത്രമായിരുന്നു. താങ്കളുടെ സ്വപ്നത്തിന് സ്വന്തമെന്ന് പറയാൻ താങ്കൾ മാത്രം. താങ്കൾ വ്യവസ്ഥയില്ലാത്ത അളന്നു കൂടാത്തതുമായ സ്നേഹത്തിനും പരിലാ ളനത്തിലും പരിരക്ഷയിലും വളർന്നതു പോലെ സ്വപ്നവും താങ്കളിൽ വളരും .ഒടുവിൽ അമ്മ താങ്കളിൽ ജന്മ സായുജ്യമണഞ്ഞതു പോലെ താങ്കളുടെ സ്വപ്നം യാഥാർത്ഥമാകും.അതിനാണ് ഈ വേറിട്ട മാർഗ്ഗം

ഡോ. വർഗീസ് പ്ലാച്ചേരിൽ

                                      മാറുന്ന ലോകത്തിൽ മറേണ്ട ജീവിതം

                                           ഇതാ വേറിട്ട മാർഗ്ഗം

                                  ഉയരുന്ന ലോകത്തിൽ ഉണരേണ്ട ജീവിതം 
                                             ഇതാ വേറിട്ട മാർഗ്ഗം

 

 

      പി  എം എ   ബേസിഡ് ഓൺ 4S3R

                

സന്ദർശിക്കൂ www.lifesuccessmission .org

lifesuccessmission@gmail,com

Dr.Varghese Placheril

Mobile +91-9447874888